Čester Benington, pjevač Linkin Parka ubio se u svojoj kući u Palos Verdesu u Kaliforniji.
Sajt TMZ piše da je smrt nastupila vješanjem i da je policija njegovo tijelo našla u devet ujutro po lokalnom vremenu.
Imao je šestoro djece iz dva braka. U braku sa manekenkom Talindom En Bentli bio je 12 godina.
Benington se godinama borio s zavisnošću od droge i alkohola u različitim periodima svog života. U jednom intervjuu je priznao da je razmatrao samoubistvo, jer se teško nosio s traumama koje je ponio iz djetinjstva kada ga je zlostavljao stariji muškarac.
Čester je bio blizak sa Krisom Kornelom, koji bi danas slavio 53. rođendan. On je takođe počinio samoubistvo vješanjem u maju ove godine. Benington mu je tada uputio otvoreno pismo.
Linkin Park je 2000-tih stekao svetsku popularnost, a hitovi poput “Faint”, “In the End” i “Crawling” obilježili su epohu. Benington je osnovao i bend Dead by Sunrise 2005. Bio je pjevač Stone Temple Pilots grupe od 2013. do 2015.
