Evropski gradovi koje vam ne bi palo na pamet da posjetite

808

Iako je boravak u njima nekad toliko prijatan da ponekad liči na san, mnogi turisti ne sjete se da posjete ove manje poznate gradove…

Libek, Njemačka

Kroz aerodorom Libeka većina putnika prolazi prilikom odlaska u Hamburg, što iznenađuje, s obzirom na to da se ovaj grad nalazi na Uneskovoj listi svjetske baštine i da se često opisuje kao “Venecija Baltika”. Libek je prepun srednjovjekovnih građevina i uskih uličica, a u starom gradskom jezgru nalazi se sedam crkava, od kojih su najstarije Libečka katedrala i Crkva Svete Marije iz 13. i 14. vijeka. Ljubitelji slatkiša neće odoljeti marcipanu, po kojem je Libek naširoko poznat.

Segovija, Španija

Predivan pogled sa akvaduktom na dvostrukim lukovima iz prvog vijeka koji dominira centralnim trgom dovoljan je razlog da se zaputite u ovaj simpatičan grad. Ostataka rimske civilizacije osim toga nema još mnogo, ali za potcjenjivanje nije ni impozantna srednjovjekovna arhitektura, od palata i katedrala do manastira i taverni.

Nant, Francuska

Neke građevine su nove, poput Palate pravde, a mnoge su istorijske, uključujući nekadašnje magacine koji su vremenom pretvoreni u kafee i umjetničke ateljee. Nant je prepun parkova i vrtova, a širom Evrope poznat je po nekim od najboljih simfonijskih orkestara Francuske.

Bergamo, Italija

Bergamo je poznat prije svega zahvaljujući dobro očuvanom starom gradskom jezgru na strmom brdu iznad savremenog grada. Odatle se pružaju prelijepe panorame na grad i okolinu. U njegovim uvijenim ulicama možete probati izvrstan sladoled, prošetati pored rječice Serio, a grad može poslužiti i kao odlična ‘baza’ za istraživanje Lombardije.

Vitorija, Španija

Zasjenjena Bilbaoom i San Sebastijanom, Vitorija je često nepravedno zapostavljena. Od rane večeri do ponoći, mediteranska atmosfera na njenim centralnim trgovima postaje izuzetno živahna – dok stariji građani igraju karte, a djeca se penju po stepeništu starih crkava, preostali dio stanovništva nakon napornog radnog dana uživa u šetnji i izvrsnom vinu. Obavezno obiđite katedralu Santa Marija de Vitorija iz 13. vijeka.

 

(NN)

PODIJELI

Ostavi komentar

Unesite vaš komentar!
Unesite ime!